Nota medios rolda de prensa Vigo

JAIME CABEZA:

NA REITORÍA GOBÉRNASE SÓ PARA UNS POUCOS

O líder de Nova Universidade, Jaime Cabeza, afirma que o primeiro ano de goberno do novo equipo reitoral caracterizouse por “afondar nos desequilibrios” e os “conflitos” entre áreas e departamentos, nunha universidade “cada vez máis inxusta”,  onde “uns poucos privilexiados teñen cada vez máis, mentres a meirande parte dos docentes e investigadores están a sufrir os maiores recortes da historia da Universidade de Vigo”.

Jaime Cabeza contrastou a “hipoteca” e os “préstamos” recibidos para a posta en marcha do Campus do Mar fronte, por exemplo, as “catro cadelas” que reciben os docentes e investigadores pola produción científica que realizan cada ano, que ademáis acumula un retraso considerable na súa valoración e execución. 

Neste sentido, o responsable de Nova Universidade lembrou que “aínda non saíu a convocatoria da produción científica do ano 2009”, o que provoca situacións “tan absurdas e ridículas” como que a valoración das bolsas e axudas para a realización de estadías no extranxeiro para o 2011 teñan que recurrir os datos do 2007 e 2008” e, ante a falta de recursos, “apenas se concedan un 10% das solicitudes”.

Cabeza tamén criticou o “enorme incremento da burocracia e o papeleo” administrativo na docencia e na xestión dos grupos e proxectos de investigación, que está a provocar un gran malestar entre a comunidade universitaria, visible en aspectos como as sinaturas de protesta presentadas recentemente por un total de 44 directores de másteres ante a Reitoría, así como as “plataformas engorrosas, ineficaces e desesperantes nas que compre perder horas e horas, metendo datos”, tales como o Suxi, Doc-Net ou o servizo Xescampus.

Na súa valoración do novo equipo reitoral, Jaime Cabeza asegurou que, “a excepción dunha ou, alosumo, dúas vicerreitorías”, o equipo de goberno  “presenta unha pésima xestión, carece de estratexia e iniciativa, deixándose levar pola inercia dos acontecementos e sen rumbo nin obxetivos”.

Todo elo como consecuencia, según Cabeza, da realización dun programa electoral “feito ás presas” e no que o actual reitor, Salustiano Mato, “prometeu cargos e cartos a moreas” sacados “de non sei qué caladoiros europeos”, mentras “se vulneran os dereitos laborais básicos dos traballadores da UVigo”.

En opinión de Jaime Cabeza, este primeiro ano serviu para comprobar que o programa electoral con que Salustiano Mato concurriu as eleccións “foi un fraude e un cúmulo de despropósitos”, tal e como acontece coa promesa de presentar o Claustro, nos seis primeiros meses de goberno, un documento para a ordenación, sistematización, recoñecemento, acreditación e internacionalización dos estudos de posgrado”, ou outras promesas como a do cómputo e recoñecemento de todas as actividades docentes realizadas polos profesores.

Do mesmo xeito que pasou coa promoción do profesorado ou o plan de choque para a consolidación de profesores axudantes e investigadores en precario, outras das promesas tamén incumpridas.

En definitiva, para Jaime Cabeza este foi un ano no que o novo equipo reitoral adicouse a “chupar roda” dos proxectos xestionados polo equipo anterior de Alberto Gago, cun goberno que sigue en “stand-by” e no que o máis destacable foi a “obsesión pola imaxe e o desmedido afán de protagonismo” amosado por un Salustiano Mato que, si “sudou a camiseta”, tal e como él mesmo decía, foi “levantando algunha que outra pedriña” cando fora do temporal, para saír na foto.

Iniciativas de impulso e control de Nova Universidade

Durante o primeiro ano do novo equipo reitoral, Nova Universidade presentou preto de medio centenar de iniciativas de impulso e control da acción de goberno, ademáis de múltiples cuestións e problemas plantexados pola comunidade universitaria, a través dos distintos representantes da formación de Jaime Cabeza.

Aparte do incumprimento das promesas realizadas polo novo equipo reitorial, unha das cuestións nas que Nova Universidade fixo especial fincapé foron as contradiccións entre a “austeridade” anunciada por Salustiano Mato, cos recortes sufridos na meirande parte dos orzamentos que afectan o persoal e estudiantado da UVigo, “fronte  o manteñemento e recolocación de cargos e persoal de confianza, coa creación de novos comisionados, o engorde da administración paralela, a través de diversas  sociedades dependentes, e o incremento das asistencias técnicas externas”.

Así, durante o debate orzamentario, Nova Universidade criticou o incremento do 11% experimentado na partida do Capítulo II (gastos correntes, viaxes e dietas) no presuposto do 2011, dato que contrasta coa drástica redución en case todas as partidas de axudas aos grupos de investigación, tales como bolsas de viaxe (cunha caída do 40%), as bolsas de estadías (25%) e posgrao (8%), as axudas a equipos de investigación (30%) e de asistencia a reunións  científicas (64%), as axudas de transferencia (31%) ou as axudas aos departamentos (13%).

Nota medios rolda de prensa Ourense

JAIME CABEZA DENUNCIA A PERDA DE AUTONOMÍA DO CAMPUS DE OURENSE E A PREOCUPANTE REGRESIÓN NO SEU MODELO DE XESTIÓN

O primeiro ano do novo equipo de goberno da Universidade de Vigo, encabezado por Salustiano Mato, caracterizouse por una “alarmante” perda de autonomía na xestión do campus de Ourense e a “ineficacia e falta de iniciativa” amosada pola Vicerreitoría de Campus.

Segundo o líder de Nova Universidade, Jaime Cabeza, que hoxe ofreceu unha rolda de prensa no campus de Ourense, acompañado do director da Escola de Informática, Enrique Barreiro, para valorar o primeiro ano do goberno encabezado por Salustiano Mato, a Reitoría da UVigo amosou un “absoluto desinterés” polos órganos de xestión do campus de Ourense, coma o Consello de Campus, “órgano o que nunca acudiu o novo Reitor e que só se reuniu de xeito extraordinario, para tratar asuntos de trámite”. “E na única reunión ordinaria que se celebrou, no punto de Informe do presidente do Consello, a vicerreitora de campus, María Lameiras, dixo que non tiña nada de que informar, nada que decir sobre aspectos como a paralización xudicial do proxecto “Porta de Galicia”, ou a parálise do edificio administrativo que presentara o anterior reitor, Alberto Gago”, apostillou Cabeza.

O responsable de Nova Universidade puxo tamén como exemplo da perda de autonomía o feito de que as función de planificación de infraestructuras, que dependían exclusivamente do campus, pasen a depender, novamente, da Vicerreitoría de Planificación, centralizada no campus olívico, “o que provoca que calquer obra ou arranxo no campus de Ourense teña que xestionarse dende Vigo, cos conseguintes atrancos e demoras na execución”.

Segundo Cabeza, está situación supón unha “regresión e salto hacia atrás no tempo”, pois non se producía dende antes do ano 2004, cando para plantexar calquer obra, os decanos tiñan que falar coa Dirección Técnica de Obras, dependente da Vicerreitoría de Planificación, en Vigo, e non coa Unidade Técnica do Campus.

Un exemplo similar co acontecido con servizos do campus tan estratéxicos como a Oficiña de Formación, Orientación e Emprego (OFOE), a Fundación Universidade de Vigo (FUVI), que xestiona as prácticas en empresas, ou o previsible peche dun servizo tan importante para o alumnado como o gabinete psicopedagóxico, mentras servizos como a Oficina de Relacións Internacionais (ORI), son atendidos exclusivamente por becarios. Todo esto, en opinión dos representantes de Nova Universidade, da mostras do “progresivo desmantelamento” do campus de Ourense.

Jaime Cabeza tamén acusou a Salustiano Mato de incumprir as súas promesas de descentralización do campus de Ourense e de limitarse a xestionar os proxectos xa iniciados polo equipo anterior” sen que ata o de agora se coñeza cal é a súa visión sobre o desenvolvemento futuro deste Campus, ao tempo que lamentou “que a vicerreitora do campus de Ourense se preocupe unicamente por saír nas fotos e acudir a todos os actos que poder, en vez de ocuparse dos problemas reais do campus, como a falta de espazo do edificio administrativo e o edificio Politécnico ou a carestía de persoal técnico da Escola de Informática”.

O líder de Nova Universidade salientou a “preocupante” redución dos presupostos do Campus de Ourense, sobre todo no capítulo de dotación e mantemento de Infraestructuras, “que non parece proporcional, pois mentras no conxunto da Universidade reduciuse un 26,09%, no campus de Ourense caeu ata o 49%”.

Durante a rolda de prensa celebrada hoxe, tamén interviú o director da Escola de Informática, Enrique Barreiro, para dar conta das distintas iniciativas de impulso e asuntos relacionados co campus de Ourense levados por Nova Universidade os órganos de goberno da Universidade de Vigo, así como “as inquedanzas que, prácticamente a diario, nos trasladan tanto o persoal coma o alumnado do campus”.

Barreiro tamén reclamou o actual equipo de goberno da UVigo que se pronuncie sobre a proposta de decreto de Ensinanzas Universitarias da Xunta que fixa en 45 alumnos a matrícula mínima do primeiro ano para cada titulación, algo que, o seu xuizo, “supón unha seria ameaza para a supervivencia de, alomenos, cinco titulacións do campus de Ourense”.

CLAUSTRO DO 6 DE XULLO DO 2011: NOVA UNIVERSIDADE APORTA CONSENSO NA RENOVACIÓN DO TRIBUNAL DE GARANTÍAS

Tras varios mandatos nos que o presidente do Tribunal de Garantías, Luis Espada, exerceu de xeito interino e sen se someter a elección nen poñer o seu cargo a disposición da comunidade universitaria, este órgano afronta unha nova etapa, coa elección dun novo presidente, o catedrático de Ciencia Política Argimiro Rojo, elexido por consenso, grazas ao apoio de Nova Universidade, formación que tamén apoiou a designación de novos representantes neste órgano.

O INCUMPRIMENTO NA PROMESA DAS PAGAS EXTRAS

Outro fraude electoral máis dos plantexados polo reitor, Salustiano Mato, durante a campaña electoral: o incumprimento do “compromiso para que as pagas extras sexan íntegras”, tal e como figuraba no programa presentado polo candidato de Alternativa Universitaria (páxina 36), e cuxa negativa reiterou, o equipo de goberno, no último dos claustros celebrados.

Jaime Cabeza e os compañeiros de Nova Universidade cuestionaron o incumprimento desta medida, amparándose en subterfuxios cuestionables e que pouco teñen que ver coa propia vontade do equipo reitoral de librar as partidas necesarias para o pago desta débeda cos traballadores da UVigo, tal e como fixeron outras universidades e administracións públicas, que optaron pola salvagarda dos dereitos dos seus empregados.

DIRECTORES DOS MÁSTERES, CANSOS DE TANTA BUROCRACIA

Nova Universidade solicitou no Claustro a simplificación do papeleo nos trámites de seguimento dos másteres, solicitando a optimización dos trámites, avalado pola sinatura de 40 directores de másteres, que respaldan esta solicitude, tendo en conta o arduo traballo que requiren, tampouco recoñecido polo actual equipo de goberno, pese a que Salustiano Mato, no seu programa electoral, tamén indicaba que “todas as actividades docentes deben recoñecerse e, polo tanto, computar no POD do profesorado” (pax. 18).

En déficit e cos mesmos desequilibrios

AU xustifica os números negativos a pesar da reducción dun 5% nas nóminas apelando ao plan de promoción que máis se solventar problemas segue reproducir os desequilibrios entre áreas con altísima carga docente que non poden medrar mentras o fan outras que perden día a día matrícula de alumnado. A política de profesorado é para Nova o maior problema e debilidade que está amosando o goberno da UVigo.

CONSELLO DE GOBERNO 13/06/2001
 A memoria económica e o Campus do Mar, NU demanda rigor.

Nova Universidade, neste caso a través do noso representante Alejandro Pereira, pregunta polos indicadores de resultados e sobre cal é a xustificación de que en non incidise nos gastos a rebaixa salarial correspondente a un 5% que ao aplicarse a medio ano correspondería a unha baixada de 2,5% , porcentaxe que non se contempla xa que en gastos de persoal só houbo unha redución do 1,3% .

Na táboa que introducimos, con datos aportados en Consello de Goberno, se evidencia a entrada en déficit orzamentario.

No Consello de Goberno do día 13 Nova Universidade preguntoulle ao sr. xerente polo feito de non ter pagado o complemento de excelencia curricular da Xunta de Galicia correspondente ao ao 2009 e en relación  cos tramos recoñecidos no dito ano. Nas últimas semanas houbo información confusa relativa a que algúns reclamantes recibiran unha comunicación de que se lles pagarían de inmediato. A explicación que deron o xerente e o vicerrector de planificación é que houbo un erro imperdoable polo que non rexistraran o correspondente ingreso da Xunta e piden públicas disculpas. E engaden que se regulizará de inmediato o pagamento a todas as persoas afectadas, reclamantes ou non. No nome propio, o coordenador do noso grupo aceptou as disculpas, pero remarcou a gravidade do erro, para que non se repitan feitos tan lamentables.

En rogos e preguntas Jaime Cabeza denuncia a situación do OFOE. Tansferiuse á Fundación Universidade de Vigo e, con ocasión desta trasnferencia, se extinguiron os contratos de catro traballadoras que moi pouco antes obtiveran por sentencia a condición de traballadoras indefinidas. O coordenador de Nova reprochoulle esta actuación ao xerente e máis ao vicerrector de transferencia, indicándolles que a súa conduta ten un claro arrecendo de vulneración de dereitos fundamentais.

A presentación das contas do Campus do Mar por parte de Emilio Fernández foi outro momento destacable da xuntanza de hoxe. Por mor desta presentación, Jaime Cabeza sen ánimo de ofender ao director do Campus do Mar, solicita ao Consello que se promova un procedemento de seguimento das contas. Por outra banda tamén quere que se teña moita prudencia cos programas de contratación de talentos que poden levar unha futura carga de persoal á UVIGO.

Por último, ainda que sucedeu primero pois foi no informe a Reitor, preguntouse se nos requisitos dos programas de doutoramento se tiña incluído algún criterio de distinción por ámbito universitario (informouse de que ten que haber un mínimo de 10 teses activas e 1 lectura de tese)

Intervencións de Nova Universidade no Consello de Goberno

Tal e como sucedeu...

En relación á normativa de directrices xerais de seguimento dos títulos oficiais, Armando Caballero interveu recoñecendo a necesidade dunha regulación do seguimento dos títulos pero pedindo que se reflexione sobre a cantidade de burocracia que se está xerando, sobre todo en relación ás axudas económicas que se reciben. Os programas de doutoramento xestionábanse polo departamento e tiñan un presuposto tres veces superior aos masteres equivalentes, nos que cada vez se pide maior burocracia sen axuda administrativa.

No terceiro punto da orde do día Jaime Cabeza indicou que Nova está basicamente de acordo co espírito da normativa en canto á eliminación dos contratos de substitución a tempo completo por causas orzamentarias pero que lle parece que sobra o punto 1.2 da normativa no que se impide aos funcionarios doutras administracións optar á devandita convocatoria xa que dita incompatibilidade está recollida na lei 53/1984. A vicerreitora de Profesorado recolleu a luva e asume que consultará aos servizos xurídicos a modificación da normativa.

Jaime Cabeza interveu ademáis en relación á asignación de horas extras ao persoal PDI laboral propondo que se definan claramente as situacións extraordinarias nas que se poidan aplicar as horas extras, como situacións de cambio de plans de estudo, e ILTs.
Entendendo esta posibilidade de aplicación de horas extras como dereito do persoal PDI laboral,  xa que non existe espírito de obrigatoriedade, Cabeza, en nome de Nova, pide que se extrapole devandito dereito ao persoal PDI Funcionario, asumindo da mesma forma a súa aplicación en casos extraordinarios.

En rogos e preguntas Alejandro Pereira comentou que se evite na medida do posible que a comunidade universitaria téñase que decatar das noticias antes pola prensa que pola propia Universidade, como foi no caso da noticia da Voz de Galicia do día 6 de maio referente a de a non inclusión do master de Tecnoloxías Industriais na oferta de estudos  por parte da Universidade de Santiago  para o curso académico 2011-12. Por outra banda o Reitor responde, bastante irritado,  que non todo o que sae na prensa ten porque ser verdade e que ata que teña confirmación fidedigna da noticia da USC non se fará público polo que asume que foi unha filtración e por tanto incontrolable.