Dende Nova Universidade invitamos á asistencia dunha asamblea para valorar as opcións de presentar unha candidatura para as eleccións a reitor e claustro do vindeiro mes abril.
Estimados compañeros,
Adxuntamos a convocatoria pública:
Diversos membros da comunidade universitaria, de
diferentes sensibilidades, vimos conversando nas últimas semanas sobre a
necesidade de xerar cambios profundos na Universidade de Vigo. Esas conversas
culminaron nun manifesto ou decálogo de mínimos como punto de partida para
propor unha discusión aberta, democrática e plural con toda a comunidade
universitaria.
Queremos PENSAR AS ELECCIÓNS para saber se existe
masa crítica que conforme unha plataforma eleitoral progresista que modifique
as mecánicas opacas e nulamente participativas que existen actualmente na
Universidade de Vigo.
Para iso convocamos a toda a comunidade
universitaria o MARTES 4 DE FEBREIRO DE 2014 ás 12 da mañán no SALÓN DE GRAOS
(pavillón B) da Facultade de Filoloxía e Tradución.
Máis abaixo figura o decálogo ou manifesto de
mínimos para iniciar o proceso de reflexión público.
Un saúdo
Sección PDI Asemblea pola Defensa da Universidade de
Vigo
