Agora son os alumnos os que replican a lexitimidade do reitor Mato. ASINA POR UN NOVO PROCESO ELEITORAL NA UVIGO

O 17 de xuño de 2014 reúnese a Comisión Eleitoral da Universidade de Vigo para tratar a petición de 375 ESTUDANTES DA UVIGO que solicitan a repetición do proceso eleitoral ou o desistimento do Reitor de proseguir co seu mandato.

Entenden estes estudantes que a baixa participación (por baixo do 10%), escasamente representativa, e o número de votos acadado polo único candidato (751 votos), menos da metade de todos os votos emitidos (291 nulos e 908 en branco), deben facer recapacitar á comunidade universitaria para abrir un debate na Comisión Eleitoral que remate cunha nova convocatoria de proceso eleitoral na Universidade de Vigo.

Por iso, emprazamos a toda a comunidade universitaria a asinar a seguinte petición, dirixida expresamente aos seguintes membros da Comisión Eleitoral:

Presidente:

Manuel Fernández Iglesias

Vicerreitor de Extensión Universitaria e Relacións Internacionais

Gloria Pena Uris, Secretaria Xeral

Jorge Bravo Bernárdez, PDI A

Juan Carlos Mejuto Fernández, PDI A

Beatriz Vaquero Díaz, PDI A

Flora Alonso Vega, PDI B

Sabela Cebro Barreiro, PDI B

Pedro González Santamaría, PDI B

Paula Estévez Caride, estudante

Hadrián Fernández Alvarado, estudante

Federico Fernández Fernández, PAS

María José Martínez Martín, PAS

Zas Varela, Mónica, PAS

Os/as abaixo asinantes reclamamos da Comisión Eleitoral da Universidade de Vigo que teña en conta a petición dos 375 estudantes que solicitan un novo proceso eleitoral que permita a elección democrática do/a Reitor/a da Universidade de Vigo.

https://docs.google.com/document/d/1Bcv76MakABkN58Zl-FdssBqIJ_XixihbX2D5ZESTgms/edit?usp=sharing

SOLIDARIEDADE COS ESTUDANTES DE CIENCIAS DA EDUCACIÓN E DO DEPORTE

NOTA A MEDIOS

candidato a reitor pola formación Nova Universidade, Jaime Cabeza, manifesta a súa solidariedade cos estudantes aos que se lles negou un espazo para unha asemblea hoxe na Facultade de Ciencias da Educación e do Deporte de Pontevedra, e pide “respeto a un dereito tan básico e fundamental, como é o dereito a reunión” nunha Universidade pública.

Cabeza recorda que “calquer decano en funcións, como é o caso do aínda responsable da Facultade de Ciencias da Educación e do Deporte de Pontevedra, debe ser consciente das súas obrigas e non renunciar ás mesmas, mais que se perdan unhas eleccións” e “saber administrar con elegancia a súa derrota, sen manifestar ningún tipo de represaria contra os que, libremente, se expresaron nas furnas”.

O líder de Nova Universidade afirma que “é esencial non crear baleiros de poder nen situacións de ausencia de servizo público, pois non debemos esquecermos de que, antes que nada, somos servidores públicos”.

Jaime Cabeza manifesta o seu compromiso firme co recoñecemento a participación e representación do estudantado en todos os órganos da Universidade de Vigo, como principio inquebrantable.

O "plantón" de Tano

Primeiro convocatoria irregular, despois "plantón"

Universidade de Vigo: As cousas no seu sitio

pasado, presente e futuro de alumnos destacados da Uvigo

1

2

Non renovación dos investigadores Parga Pondal

Queda algo relevante na UVigo para o reitor saínte?

Abrimos tres novas seccións no blog

A vontade deste blog é que vaia medrando coas aportacións de todos, e como parece que cada vez máis xente se anima a participar, decidimos abrir tres novas seccións nas que iremos engadindo o material que nos vai chegando:

- Malestar alumnos
- Malestar PAS
- Malestar profesores

Se queres participar coas túas queixas, dúbidas, suxestións nesta sección, envíamo á dirección jaimecabezablog@gmail.com

Os estudiantes esperaban máis da xestión do reitor saínte